19.03.2012 - Nahspillziit!
Tschutter geit ind Verlängrig. Am Mittwuch chunts zum Derby gägs ds Nachbardorf Varu. Im Fänshop chenedär scho mal där Tschutter Merch bstellu. Äs geit jedoch nu es momentji bis wär eiw di Sachä chennä schicku. Där Lic.Mag.Oec. hät das ersch letscht Wuchu in Üftrag gigä :(

11.03.2012 - Salgesch - Zürich
Där Pirmin und där Bax gehnt hitu in en Fernsehsändig bim Mike und dum Viktor. Wiä schi där Tag ds Zürich erläbunt gseht är uf irusch Accounts.

09.03.2012 - TheFutures
The Futures veröffentlicht am hiitigu Tag irusch erscht Singel: "Ligging in the Wald".Mit dem Song probiärt där Bax ds Erläbta uver Pirsch bitz ds verarbeitu. Loset mal dri und cheufät sus.

06.03.2012 - Där Smetterling isch nidär
Di Tschutter sind bis ufu Smetterling güet ind d neu Wuchu gstartut. Bileidswinsch und Zeichnigä chent er nisch gäru an info@linelisolutions.ch schicku.
Där Zwischufall wird inu nägschtu Täg sicher nu Müsikalisch vo TheFutures verarbeitut. Also bliibet am Ball!

30.02.2012 - Äs leuft
2 Episode sind mittlerwiilu scho üsa. Ab moru wirds Ernscht ds Salgesch, will äs geit um d Stammplätz. Züedäm gits eu immer wider neui Videos wiä Making Of oder susch so Sachä. Das gfinnedär alls unter Klips oder im Tschutter Dossier uf 20Minuten Online:

27.02.2012 - Neuafang
Was vär en Tag! Im Frohheim ds Salgesch wird grad Füessballgschicht gschribu und di ganz Schwiiz fiäbrut mit.
Zersch gewer im uf 20min näbu du Oscars voll Jumbooo, dernacher brichtut nu di Gülsha und der Julian vo iisch und Ämabund liitut nu Radio 105 a vär Interviews ds machu mim Pirmin und mim Bax. Di kehret är moru morgund am 8ti uf Radio 105. (So es cools Radio ds Zürich)

25.02.2012 - Noiz bi Joiz
Hitu hät Joiz uber iisch gibrichtut und eu scho där Trailer präsentiärt. D Hind heint emil hüeru Freid ka.

22.02.2012 - Releasdate bikannt
Hitu leh wär der offiziel Wärbepanzer zwäg: Tschutter erschiint am 27. Februar 2012. Hiä afu mal paar Infos was di Grüezini meinunt:

16.02.2012 - lic.mag.oec bloggt
Finanzmogul George Schaller führt seit einiger Zeit einen interessanten Wirtschaftsblog. Mit Expertentipps führt er sicher durch Krisenzeiten und belebt deine zukünftigen over the counter Geschäfte.

15.02.2012 - TSCHUTTER.COM online!
Wer brücht hitu nu en Website? Di Tschutter brüchunt eini vär irusch komplexi Wält zämu ds haltu. Ab hite wird an discher Stell uf jeglichi News wa wiär uf verschidunschtu Kanäl schaltä informiärt. Und das natirli im schönschtu Dialäkt vo allnu!

Merci dum Senf ver d Websiitu Konstruktion, dum Silvano Zeiter und der Diana Pfammatter vär d Fotos und dum Seiler André vär grafische Biistand.